HALLO FRANK, DU ALDER SACK,
WANN WERRSCHE ENDLICH KOMME BACK?
SO SCHEEN KANNS DRIWWE DOCH NET SENN,
ZUM EWISCH WEGGSENN FONN DEHEMM?

DU LOSCHT DICH DOATT VOMM KLIMA SCHOGGE,
BEI DIR ESS HEISS UNN VIEL TSE DROGGE.
BEI UNS DEGEJE RÄHN ONN RÄHN,
DASS ISS DAS SCHEENE ANN DEHÄHM.

E TURM, E KÄRSCH, ONN NOCH E KÄRSCH
E SCHBOADBLATZ, DASS ESS ELMERSCHBERSCH.
KANN MONDSCHEIN BAH, KÄNN BLAUI GROTT,
KAUM NOCH E KNEIP, GANZ ÄHNFACH DOOD.

WASS WAH HIE ENN DE SIXDIES LOS,
DE FRÄNGIE ONN DIE SCHADDE GROOS,
DIE SNOBS, DIE ÖRLS, DIE GEISCHDERREIDER,
DIE FEIERBÖRDS, ONN NOCH SO WEIDER.
DO GING DE PANK AB, WIE NOCH NIE...

DOGEJE WAR DEI MEIEMMIE
ZU DER ZEIT BLOOS E ALDERSHEIM,
BEI UNS WAR DO SCHON „TWISTIN'TIME".

NUN BISCHDE ACHZISCH, NEMMEH SIBBZISCH,
ONN MANSCHES ES NEMMEH SO WISCHDISCH.
DOCH MUSSIG SPIELT FA DICH NOCH VOLL,
GANZ VORN, GANZ GROOS, DIE ERSCHDE ROLL.
DER MANN ISS FLEISICH, SCHAFFT ONN SCHAFFT,
WOHER MIT ACHZISCH ALL DIE KRAFT?

DO ISS DIE LUFFT NOCH LANG NET RAUS:
ZWEI ALBE KOMME DIES JOA RAUS,
E FILM GEDRAHT, E BUCH GESCHRIEB,
FOMM LÄWE, MUSSICK ONN DE LIEB,
ONN TICK TOCK MACHT AUS RASPUTIN
JETZT WELTWEID NOCH E ÄWWERGRIEHN.

ERFOLG ESS: FLEIS ONN GROHSES KÖNNE,
E BISSJE GLICK MUSS MA AH FENNE.
DRUM DUHN MIR AACH HEIT ALL DIR GÖNNE
DEN HOCH VERDIENTE JUBELDAH:
EIN HOCH AUF DEINE ACHZISCH JAH
VOM ELMERSCHBERSCH NACH USA.